jueves, 30 de junio de 2016

REMATA A FUNCIÓN...

E case como se nada, nun suspiriño, este camiño que iniciamos xuntos fai tres aniños, rematou pois... Chegou a hora de deixar Infantil e pasar a otra nova etapa.... a Primaria!!!! E que mellor maneira de facelo oficial que cunha gran festa... A nosa festa de graduación!!!! Pero que guapos e maiores estabamos recollendo os nosos diplomas, mirade, mirade...


*** Se queredes ter estas fotos e outras da graduación, premede neste enlace (perdoade se algunhas están movidas, os nervios fixeron que moitos dos nenos e nenas non pararan no "photocall")

Pois si, parece mentira pero xa pasasen tres anos dende que os nosos elefantes e dinos desen os seus primeiros pasos no cole. Tres anos nos que aprendemos un montón de cousas pero nos que sobre todo, fixemos grandes amigos e divertímonos moitísimo.... Tres anos, sen dúbida, para o recordo... 





**A versión web do vídeo non é igual que a vosa. Non é posible poñelo en internet coas músicas orixinais. 

Dende aquí queremos agradecer a todas as familias o apoio recibido estes tres cursos, o cariño e a confianza que nos destes fixo que o noso traballo fose un verdadeiro pracer. Sodes uns papás e unhas mamás xeniais, e iso nótase e moito, nos vosos fillos e fillas... Moitas, moitísimas grazas por todo!



E por suposto, queremos dar as grazas aos "nosos" nenos e nenas, aos elefantes e aos dinos, que son os mellores alumnos e alumnas que puideramos imaxinar. Moitas grazas peques por ensinar a estas profes tantas cousas cada día, por axudarnos a "intentar" ser mellores mestras, por ilusionarnos e facer que o noso traballo sexa toda unha aventura, por deixarnos crecer convosco, por facernos rir e, sobre todo, por querernos e por todos eses bicos e abrazos que nos destes durante estes anos. Foi unha marabilla ser aos vosas mestras!!!! Por iso, e a pesar de que estamos un pouquiño tristes por ter que deixarvos, mandámosvos un bico enorme e desexámosvos moita sorte nesta nova aventura que comezades. Non vos esquezades de nós, porque estas dúas profes sempre vos levarán no recordo.



 FELIZ VERÁN!!!!

martes, 21 de junio de 2016

EXCURSION AO PARQUE

Xa falta pouco para rematar, pero... nós seguimos de festa!!!! Aproveitando o bo día, onte fomos merendar ao parque... Que ben o pasamos!!!! Aí si que temos un bo sitio para correr, xogar e sobre todo, enchernos de area!





 

viernes, 17 de junio de 2016

LEMBRANDO MOMENTOS...

Outro curso que remata, e para nós este é moi especial xa que é o último que pasaremos en infantil. 

Por iso, para lembrar todos os momentos que pasamos xuntos, as profes teñen preparado este video que resume o moito que traballamos todos neste curso 2015/16 e sobre todo o ben que o pasamos!! 

Esperamos que vos guste moito!!



miércoles, 15 de junio de 2016

EXCURSIÓN A ALDEA NOVA

O martes fomos a nosa última excursión como nenos e nenas de Infantil: visitamos a granxa Aldea Nova. Alí vimos moitos animais, aos que puidemos acariciar e ata dar de comer: porcos, coellos, vacas, cabras, cabalos, ocas... Pero ademais, amasamos e cocemos pan, descubrimos o sabor da mel, do propóleo, da xalea, e ata fixemos unha vela coa ceras das abellas!!!! Pero o que máis nos gustou, sen dúbida, foi montar en poni!!!!
Que ben o pasamos!!!!! Mirade, mirade...

REMATAMOS COS ANIVERSARIOS!

Xa a piques de rematar o curso e seguimos de festa!! Neste caso celebrando os derradeiros aniversarios da etapa.





Moitos parabéns pequerrechos!!!

viernes, 10 de junio de 2016

O ALBUM DO MAR

Durante o mes de Maio todos os nenos e nenas do cole estivemos como tolos buscando animais mariños polo centro. Eran os carteis do Álbum biligüe que este curso puxeron, de novo en marcha, as profes de inglés: Marga e Ana.
Os nenos e nenas de Infantil fixemos, como cada ano, un álbum xigante que completamos entre todos e polo cal tamén recibimos o noso premio que foi recollido polo encargado de cada clase.


Moitas grazas por esta actividade, profes!!! Os elefantes e os dinos encantános eso de ser "good explorers"!!!!

RECOMENDACIÓNS DE LECTURA PARA O VERÁN...

O curso está a piques de rematar e teredes tempo para xogar, descansar e tamén para ler moitos contiños!!

Güino e os seus axudantes teñen preparadas unha recomendacións de contos e historias novas que esperamos que vos gusten moito!!



Na biblioteca están expostas todas estas recomendacións por si queredes botarlle unha ollada.

Güino deséxavos un verán fantástico e espera vervos, xa en primaria, en setembro!!

jueves, 9 de junio de 2016

AVISO IMPORTANTE: AXUDAS LIBROS

Ola familias.
Queremos aproveitar o blog para lembrarvos que a solicitude de axudas para os libros de texto de 1º remata o día 23 de XUÑO. Tedes toda a información colgada na web do cole (http://www.edu.xunta.es/centros/ceipcouceirofreijomil/). Se tedes algunha dúbida, acercádevos a Administración do cole e Paco vos informará. 
Un saúdo!

miércoles, 8 de junio de 2016

INFORMÁTICA MÁXICA!

Xa estamos rematando as nosas clases de informática en Infantil, e hoxe a profe Lorena tiñamos preparada unha sopresa... unha clase de informática máxica!!!!! Pintamos uns debuxos chulísimos e se o poñiamos na pantalla... tatatachán!!!! Cobraban vida!!!! Todo grazas á técnica da relidade aumentada e da aplicación Quiver que podedes descargar nos móbiles E vivir a experiencia cos elefantes e os dinos!
Probade, é moi divertido!!!!






Aquí tedes a dirección:  http://quivervision.com/

O PATIO DOS MAIORES

Hoxe, como viñeron a vernos os nenos e nenas que entran no cole o curso que vén, aproveitamos para coñecer o patio no que imos a xogar a partir de setembro. Que chulo está o patio dos maiores!!!! Podemos correr, pintar, xogar coas cordas e ata beber nunha fonte... Isto de pasar a Primaria ten boa pinta!!!

martes, 7 de junio de 2016

CLASES CON MOITO RITMO

Despois de moito traballiño coa profe Lara xa somos quen de facer unha gran orquestra de percusión cos xilófonos e os carrillóns.

Mirade canta concentración!!!



Moitas grazas profe Lara por ensinarnos tantas cousas!!

lunes, 6 de junio de 2016

VISITA A PRIMARIA

Hoxe os nosos compañeiros e compañeiras de 1º convidáronnos ás súas aulas para explicarnos que era iso da Primaria e as novidades que imos ter para o curso que vén. Contestaron a todas as nosas preguntas: xa sabemos que no patio podemos xogar ao fútbol, ao baloncesto, as cordas, as tres en raia, aos peóns, ... e ata podemos visitar a Güino no tempo do recreo! Tamén nos contaron que traballan moito, porque xa teñen libros de maiores, pero tamén teñen xoguetes que son moi divertidos. Pero, sen dúbida, o que máis nos gustou é a idea de levar o noso propio estoxo e sobre todo... non ter que levar mandilón!!!!!
 


Ademais, e como agasallo final, entregaránnos un pasaporte para poder pasar a Primaria para o vindeiro curso, porque... Xa estamos máis que listos para despegar!!!!!

Moitas grazas aos compañeir@s de 1º pola información e aos profes María Jesús e Antón por invitarnos ás súas clases!!! Para o ano vémonos en Primaria!!!!

viernes, 27 de mayo de 2016

ANIVERSARIOS DE MAIO

Rematamos o mes de maio coas festas de aniversario dos elefantes Matías, Rafi, Mikel e Noemi e a dinosaura Daniela!!!





PARABÉNS PEQUERRECHOS!!

viernes, 20 de mayo de 2016

LETRAS GALEGAS 2016

Hoxe festexamos o Día das Letras Galegas, este ano adicado ao escritor lucense Manuel María. Os elefantes e os dinosauros xa sabiamos algo deste autor, non só porque esta semana as profes nos recitaron os seus poemas á entrada do cole, senón tamén porque o Día da poesía nós mesmos recitamos un dos poemas do seu libro Os soños na gaiola, titulado "Arco da vella", do que aínda nos lembramos moi, pero que moi ben. Pero hoxe tocábamos escoitar e aprender máis cousiñas da súa vida, traballo que nos ensinaron os nenos e nenas maiores, cunha presentación moi chula.


Despois da presentación, chegou o noso momento. Os nosos representantes, recitaron a poesía que presentamos os nenos e nenas de Infantil ao Certame de Poesía Couceiro Freijomil, que como todos os anos, convoca Güino dende a biblioteca. Este ano a nosa poesía tiña por tíulo "Galicia" e precorría as catro provincias e a capital da nosa comunidade. Fixémolo tan ben, que Güino, de man da profe Ana, deunos un gran agasallo para todos: libros para a nosa biblioteca de aula!!! Grazas Güino!!!!


 Pero o dia non rematou aquí. Despois do recreo tocaba ir a soterrar as nosas palabras favoritas en galego. Fai uns días os elefantes e os dinosauros eliximos a palabra que máis nos gustaba en galego, co fin de enterrala para que alguén a atopara dentro duns anos. Os elefantes eliximos a palabra "Nadal" e os dinos escollimos "grazas", dúas palabras chulísimas! Pablo foi o encargado de poñer as palabras elixidas por todos os nenos e nenas de Infantil na cápsula do tempo coa esperanza de que, como dixeron algúns: "un arquéologo as atope no futuro".


  

LETRAS GALEGAS 2016 on PhotoPeach

E como fin de festa no día da nosa lingua, da nosa fala, unha canción que nos encanta, porque o galego... Meu mundo é!!!!